.హా. మీమ్‌

ఇది కరుణామయుడూ, కృపాశీలుడూ అయిన దేవుని సన్నిధి నుండి అవతరింప జేయబడిరది

స్పష్టంగా వివరించబడిన వాక్యాలు కల గ్రంథం. అరబ్బీ భాషలో ఉన్న (ఈ) ఖుర్‌ఆన్‌, జ్ఞానుల కొరకు

ఇది శుభవార్తలను ఇచ్చేది, భయపెట్టేదీను.కాని వారిలో చాలామంది దాని పట్ల విముఖులయ్యారు, కనుక వారు వినరు.

వారు ఇలా అంటారు, ‘‘నీవు దేని వైపునకు మమ్మల్ని పిలుస్తు న్నావో, దానిని గురించి మా హృదయాలను తెరలు కప్పివేశాయి, మా చెవులు చెవిటివైపోయాయి. మాకూ నీకూ మధ్య ఒక తెర అడ్డుపడిరది. నీవు నీ పని చెయ్యి, మేము మా పని చేస్తాము.’’

ప్రవక్తా! వారితో ఇలా అను, ‘‘నేను కూడ మీలాంటి ఒక మనిషినే. వహీ ద్వారా నాకు ఇలా తెలుపబడుతోంది: మీ దేవుడు కేవలం ఒకే దేవుడు. కనుక మీరు నేరుగా ఆయన వైపునకే మరలండి క్షమించు అని ఆయనను వేడుకోండి.

జకాత్‌ ఇవ్వనివారునూ, పరలోకాన్ని తిరస్కరించేవారునూ అయిన బహుదైవారాధకులు వినాశం పాలవుతారు.

ఇక విశ్వసించి మంచి పనులు చేసినవారు నిశ్చయంగా వారికి ఎడతెగని ప్రతిఫలం లభిస్తుంది.’’

ప్రవక్తా! వారితో ఇలా అను: ‘‘భూమిని రెండు రోజులలో సృష్టించిన దేవుణ్ణి మీరు తిరస్కరిస్తారా? ఇతరులను ఆయనకు సమానులుగా నిలబెడ తారా? సకల లోకాల వారికి ప్రభువు ఆయనేకదా!

ఆయన (భూమిని ఉనికి లోనికి తీసుకువచ్చిన తరువాత) దానిమీద పర్వతాలను నెలకొలిపాడు అందులో శుభాలను పెట్టాడు అర్థించేవారందరికోసం దాని లోపల వారి కోరికలకూ, అవసరాలకూ అనుగుణంగా కచ్చితంగా అంచనావేసి ఆహార వస్తువులను సమకూర్చాడు. ఈ పనులన్నీ నాలుగు రోజులలో పూర్తి అయ్యాయి.