నూన్‌. కలం సాక్షిగా, లేఖకులు లిఖించే దాని సాక్షిగా

నీవు నీ ప్రభువు దయవల్ల పిచ్చివాడవు కావు.

నిశ్చయంగా నీకు ఎన్నటికీ తరగిపోని ప్రతిఫలం లభిస్తుంది.

నీవు నిస్సందేహంగా మహోన్నతమైన శీలం కలవాడవు.

మీలో ఎవరు ఉన్మాదానికి లోనయ్యారో త్వరలోనే నీవూ చూస్తావు, వారూ చూస్తారు.

మీలో ఎవరు పిచ్చితనం లో నిమగ్నమయి ఉన్నారో!

నీ ప్రభువుకు, తన మార్గం నుండి తప్పిపోయిన వారెవరో బాగా తెలుసు, ఋజుమార్గంపై ఉన్నవారెవరో కూడ ఆయనకు బాగా తెలుసు.

కనుక నీవు ఈ సత్యతిరస్కారుల ఒత్తిడికి ఏమాత్రం తల ఒగ్గకు.

నీవు గనక రాజీపడితే, వారు కూడా రాజీపడదామని అనుకుంటున్నారు.

చీటికీ మాటికీ ఒట్టువేసే నీచుడికి ఏమాత్రం లొంగకు.