కాదు, నేను ఈ నగరం (మక్కా)పై ప్రమాణం చేసి చెబుతున్నాను

(ఓ ప్రవక్తా) అసలు విషయం ఏమిటంటే, ఈ నగరంలో నిన్ను హలాల్‌ చేసుకున్నారు.

తండ్రి (అంటే ఆదమ్‌ అస్సలామ్‌) సాక్షిగా, ఆయనకు పుట్టిన సంతానం సాక్షిగా!

మేము మానవుణ్ణి శ్రమకోసం పుట్టించాము.

అతడు తన నెవ్వరూ అదుపు చేయలేరని అనుకుంటున్నాడా?

నేను అపార ధనరాసుల్ని ఖర్చుపెట్టాను అని అంటాడతను.

తనను ఎవరూ గమనించలేదని అతడు భావిస్తున్నాడా?

మేము అతనికి రెండు కళ్ళూ,

ఒక నాలుకా, రెండు పెదవులూ ప్రసాదించలేదా?

ఇంకా స్పష్టమైన రెండు (మంచీ చెడుల) మార్గాలను అతనికి చూపాము.